1333. März 24. Czarnowanz.

Propst Prothiua und der Convent verleihen die Schölzerei in Brinitze, um hier ein Dorf anzulegen.

In Nomine Domini Amen. Cum in humanis disposicionibus propter calumpnias hominum crebrescentes nichil stabile esse possit, nisi scripturarum testimonio perhennetur Quapropter noverint universi presencium noticiam habituri, quod nos Prothiva dei paciencia prepositus, Gotttridus prior, Thalizlawa priorissa, totusque conventus domus dei Premonstratensis ordinis dyocesis Wratizlaviensis, Sculteciam in villa nostra deserta dicta Byrnicze libera ab omnibus ducalibus angariis emendam seu conparandam favimus per Wencezlaum et Stanconem Cira filios Stozonis, qui ipsam occupaverat, et ius quod nobis in ipsa Scultecia conpetebat, in eosdem transtulimus propter ipsorum fidem nobis et obsequia profutura, videlicet tali pacto quod idem nostri Sculteti cum incolis, quos in villa collocabunt predicta, hoc anno viginti et sequenti triginta et a data presencium anno tercio et deinceps medium lapidem cere et quadraginta pokowones mellis mensure Opoliensis nobis et nostro Monasterio solvere inperpetuum tenebuntur, ec decimas de triplici grano, siligine, avena et de pisa, seu de vicciis pro pisa si qui pisa non seminaverint eciam nobis perpetuo dabunt.
Habebunt itaque idem Sculteti liberos quinque laneos a decimis et qualibet alia solucione, Thabernam, Molendinum cum obstaculo, quartam unam a qualibet ligatura recipiendo, et de operariis silve medietatem obvencionum percipient, silvas eo fidelius custodiendo et residuum nobis ac nostro Monasterio in perpetuum presentando. Ligaturam eciam unam anno quolibet eis licebit per fluvium deriyare. Ceterum nos ac nostrum monasterium duos nobis laneos cum omnibus utilitatibus preter apes silve, et Scultetis specialiter in duobus laneis quos optaverint, mellificia reservamus. Habebunt siquidem antedicti Sculteti tercium denarium in culpis libere preter quod nos aut nostros quos ad iudicia direxerimus, ter in anno cum procuracione condigna recipere tenebuntur, ac servire nobis ac nostris successoribus ipsi ac eorum successores de eadem scultecia pro possibilitate sua quociens fuerint requisiti debebunt. Piscina eciam in flumine dicto Prandinicze seu obstaculum cum perfectum fuerit, nos medium ac sculteti medium eiusdem obstaculi obtinebunt perpetuis temporibus cum omnibus antedictis. In cuius rei testimonium et evidenciam omnium premissorum presens scriptum fieri mandavimus nostro ac nostri conventus sigillis pendentibus communitum, presentibus nostris contratribus Mathia plebauo de Doberna, Swatazlao custode nostro, Boguscone de Newodnik et Arnoldo nostris familiaribus, domino Baldone de Proskow, Jescone Sculteto de Doberna, Burkardo de Birdzan, Syfrido de nostra nova villa scultetis, et aliis quam pluribus fide dignis. Datum in nostro monasterio supradicto Anno domini M°CCC°XXX°III° in vigilia annunciacionis Domini.

Das eine Siegel fehlt, das andere ist fast ganz unkenntlich geworden.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.